Sósa
Góð osta/rjóma sósa upplögð með ýmsum mat, svo sem lambakjöti, nautasteik og hnetusteik
Hráefni
- 1 stk. Villisveppa rjómaostur (eða pipar rjómaostur)
- ½ líter rjómi (ég nota laktósa free)
- 250 gr. sveppir
- 250 gr. gulrætur
- 1 stór laukur
- ½ líter vatn
- 1 stk. grænmetisteningur
- góð matarolía til að steikja sveppina
- 1 tsk rifsberjasulta
- salt, pipar og eitthvað af grunn kryddunum fyrir kjötið/hnetusteikina
Aðferð
- Skera gulrætur niður í bita (ca 1½ cm)
- Skera laukinn niður í grófa bita
- Setja gulrætur, lauk og vatn í pott og sjóða þangað til gulræturnar eru mjúkar, ekki mauksjóða
- Sikta gulrætur og lauk frá vatninu og setja soðið í pott, gultæturnar og laukinn má svo salta til og hafa sem meðlæti ef vill
- Hreinsa sveppina og skera sveppi niður (gróft eða fínt eftir smekk)
- Steikja sveppina í olíunni
- Skera ostinn niður í tiltölulega þunnar sneiðar
- Setja steikta sveppina út í soðið ásamt ostinum og sjóðið við meðalhita í nokkrar mínútur eða þar til osturinn er alveg bráðinn
- Bæta rjómanum útí og láta malla við lágan hita góða stund
- Krydda með salt og pipar eftir smekk
- Krydda með "grunnkryddi" af höfuðréttinum (dæmi Lamb islandia krydd ef lambakjöt)
- setja sultuna útí
- Sjóða lengur og hræra öðruhverju, passa að brenni ekki við.
- Hægt að nota sósuþykkni ef sósan er of þunn
Ef rauvínsbragð passar með matnum, þá er gott að nota 1 dl. af rauðvíni og 4 dl. af vatni til að sjóða gulrætur og lauk saman.