Ofnbakaður fiskur með hrísgrjónum, brokólí og smurosti

Góður hversdagsréttur, ekkert vesen.

Hráefni

• 6 dl soðin hrísgrjón (2 dl. ósoðin hrísgrjón)
• 700 g úrbeinaður þorskur (eða aðrar tegundir)
• 2 stk laukur
• 1 stk rauð paprika
• 1 stk brokkolí haus
• 2 tsk karrý
• 1 stk grænmetisteningur
• 250 ml smurostur (hreinn)
• 1 msk paprika
• 150 ml piparrjómaostur
• nokkrar þunnar ostsneiðar
• salt og pipar
• olía til steikingar

Aðferð

• Sjóða hrísgrjónin
• Skera lauk og papriku smátt
• Skera brokkolí millgróft, ekki nota mikið af legg nema fínsaxa hann en þá má hann alls ekki vera trenaður
• Steikja grænmetið og karrý í smjöri og olíu við meðalhita, bætið grænmetistening út í og leyfið að malla í nokkrar mínútur
• Bræðið smurost og rjómaost ásamt papríkudufti í potti
• Blandið hrísgrjónum vel saman við grænmetið og smakkið til með salti og pipar
• Setjið hrísgrjónablönduna í eldfast mót
• Skerið þorskinn í þunnar sneiðar og raðið ofan á hrísgrjónablönduna, þekið allt með þorskinum
• Hellið ostablöndunni yfir og passið að hún þeki yfir allan þorskinn
• raðið þunnum ostasneiðum óreglulega yfir ostablönduna, má alveg krossast
• Bakið við 175°C í 25 mínútur eða þar til kominn er fallegur gullin litur
• Berið fram með fersku salati, mjög gott að hafa avocado með þessum rétti